ديوان الشاعر عبد الكريم الجابري

	خلني تكفا لاقلتلـك خلّنـي تكـفـا تخليـنـي النفس ضاقت وتعرف مـن مضيقهـا ماني بحاجـه علومـك لـو تسلينـي بعّد عن العين واحسـن لـو تفارقهـا لاضقت انا حتى روحـي ماتدانينـي واليا هـدا البـال غربهـا وشرقهـا لو كان غيرك حـرام انـه يحاكينـي لو كان كل الدروب البيض يطرقهـا تدري؟ وش اللي ذبحني والبلا فيني بعرف عروق الغلا وشلون تسرقهـا يمكن تكون الخيانـه مـن شرايينـي والا حظوظـك يجـوز الله موفقهـا ماقلت لحدن سوى امي يابعـد عينـي وشلـون خليتنـي لعيونـك انطقهـا ياروح روحـي ياقلبـي يابساتينـي يابسمه العيـن ليـه العيـن ترهقهـا والله من زود حبك صنـت رجلينـي ماشفتني يوم اسوق الرجـل وافهقهـا انا بصفك واضيـع وانشـدك وينـي وشلون لارحـت جدرانـي اصفقهـا ماتدري اني شريتك يـوم تشرينـي عشان حبك ابيـع الخلـق واحرقهـا ارجـوك لاشفتنـي ضايـق تخلينـي واليا هـدا البـال غربهـا وشرقهـ

	سفير الشعر فاني حلم ياصعب تعبيره وحيرني عسى في الأمر خيره سواد بالسماء والبرق قبله ومن قو الهوى تسمع صفيره طرالي شي واحد قلت يمكن سنا شعرآ يطالب بتحضيره انا لي مزنه لاقلت وينك أشوف بعينها دهشه وحيره باخليها تصب بكل وادي لين السيل يرعبك بهذيره وخليها تفرع في شغايا ومشي كل سيل مع محيره وأذا راحت لأجا وسلمى أرددها قبل مفرق سميره مادام أن جدنا حاتم سكنها حقلنا الفخر في كل ديره أذا هالنور به شخص يغطه فلا يقدر على شمس الظهيره تسمع للشعر والخافي أعظم وشوف الوسم تعرف من بعيره أنا ماني ببو زيد الهلالي ولا كابرت مثل أبن المغيره ابن عدي الغريري لوسمحتوا سفير من عرب شبه الجزيره أنا بلسان أخو مريم باجدد وفانا مع محبتنا الكبيره تحيه سيدي صباح الأحمد الى الشعب الأماراتي وأميره من لسان الصباحي للفلاحي تحيه ورد يزها في عبيره أذا في كل دوله له سفاره ففي لسان الشعر أنا سفيره أنا مايسمع الأصقه كلامي ولا راعتني العين الضريره أنا يفهم كلامي كل عاقل واقول الشعر لعقول بصيره أذا صار الشعر مافيه حكمه فهذي تعتبر حاجه خطيره أبي لامت وش الي يتخلد أذا كانت لكل أنسان ديره بعد موتتك تلقى شي واحد ياذكرن بالفخر والا المعيره وكل أنسان له طيحه وزله ولابد الرجل يحكم ضميره أحد غض البصر خوفن من الله وأحد عينه على بيت القصيره ترى الي به حيا يلقى وقاره ومن مابه حيا يلقى الحقيره أحد يصبح غني في ذل نفسه غني لاكن معه نفس فقيره يعيش الأدمي ماهو محصل سوى المكتوب له بأمره يستديره وترى الرجال لو كبت من معه غدى مثل المعلم بالقصيره نعم لو غزلك راسه ضعيف وش الرجال من دون العشيره خلقنا الله من شعوب وقبايل وكل حافظ بلوه وبيره وكل أنسان له حق يتفاخر ولاكن لا يهضم حقوق غيره ترى لو تختلف فينا العوايد بنا فزعه بنا شيمه و غيره ولاكن كل شي وله وقته زمان الجد الأول طار طيره مثل فزعاتنا أول في البنادق وزرق رماح وسيوفن شطيره لاكن اليوم صارت بالرسايل تدز الرقم برساله قصيره وانا ماجيت أجرب فعل ربعي له في مضرب الفزعات سيره طنايا لورضينا مارضينا تصير الأوله مثل الأخيره طنايا وافخر بكل الطنايا سوى في نجد والا في الجزيره وسبع تنعام في كل القبايل وكل يشرب الماء من غديره ولامني طلعت بوجه أبيض كسبت أصداء ووجيه سفيره

	ماني بمعذور ماني بمعذور وش له اشرح ظروفي على هواكم وسووا الي تسوونه في هالزمن لو احججهم على كتوفي رجالهم مايبين الطيب فعيونه انا خلقت بزمن ماهو على وصوفي اسابق العصر وارجع دهر من دونه صحيح مابالزمن تقدير لسيوفي لاكن صرت بمكانن مايطولونه لاصرت في قعدتي حسبت لوقوفي احسّب لشي ماظني يحسبونه زماننا شقلباني يشبه حروفي نتيجتك بالهدف ماهي بمظمونه تدري بهالوقت لو دققت وش خوفي؟ خوفي يجي الظيف مابه من يحيونه يصير عذروب لارحبت بظيوفي والورع من صغر في هذا يربونه يالله راجيك خذ سمعي مع شوفي والا خذ العمر قبل الوقت وطعونه على كثر مافعلت يضيع معروفي غلطان من يشتري ناسن يبيعونه توفي مع الناس مير الناس ماتوفي على كثر مافعلت الطيب ينسونه

	قال الفراق.. قال الفراق ؟وقلت وش عاد يعني منّاك يالله لو سمحت اقطع الصوت واشوى!بحزّة قلتها ماسمعني وش عاد يعني!!مادريت انه الموت وقال الغرام؟وقلتله مانفعني هذاك لو اني حظيظن ومبخوت وقال العناد؟وقلتله مامنعني مكثر من اعناد(ن)على لعب بيلوت وقال الغرور؟وقلتله مارفعني ماظنتي بأن الكبر يعمر بيوت قال التواضع؟قلت بالله طعني خلك عليه بذمتي تقطف التوت قال التسّرع؟قلتله ماتبعني ماينفعك لاصيّحوا فاتك الفوت وقال الصحيح؟؟وقلت طبع(ن)طبعني ماهو لباسن تلبسه لبسة الكوت وقال الشعر؟قلت الشعر ماوسعني يكفيك بندر والفراوي وبخّوت بالله كفعن السؤال ودعني يعني خلاص الصمت لولو وياقوت قال الفراق؟وقلت وش عاديعني بكل برود ومادريت انه الموت

	ياهلا يامرحبا ياهلا يامرحبا بك يالله حي الغالي بس قلّي ودي افهم وين هي هالغيبه يمكن احسن لو تقول السالفه طوّالي الحكي ياما شبعت امن البشر تلعيبه الغلط لوقلت مني؟ذبحتك حلاّلي ماذخرت بشوف عيني والغلا تدريبه لاغديت ولارحلّت ولاانقطع جوّالي شنهو عذرك والله انه خيبتك ياخيبه يوم تنشد كيف حالي ؟ماعرفت احوالي صحّتي احمّد ربي والعقل ياطيبه منبسط و الحمدلله معرسين اعيالي واصغر اعيالي نجح مدري شنو ترتيبه واجد اعلومن بعد تدري بها حسبالي اووو ياعيب الشـوم والله منّنا ياعيبه يااا أخي لك عين والله جاي تمر اقبالي؟ العذر لو ني مكانك استحي لااجيبه لو اداري ماي وجهي واحفظه اشوالي كان قالوا ننتظر لين العذر ياتيبه جيت من صوبي مطّفي ماضربت العالي ياهلا يامرحبا تستاهل الترحيبه تدري ويش الي ذبحني ؟الوفاشسوالي اي مدام اللي يخوّن مالقا تعذيبه يرحم الله ليلتن ماروّحت من بالي يوم يدّك في يديني والشعر توميبه مشيتك مشيّت دلع يوم الدلع موالي وانصدم فيك المياعه فوق هذي هيبه يوم اناديك الغلا وانتا رصيد اموالي من يكون انت رصيده مايفلّس جيبه ذاك مبطي في عيوني ما اشوفه تالي تبت من طعن الهوى شفت الهوى ماليبه روح في فالك وانا برضو بروح بفالي سمّح الله دربك الي ناوي (ن)تمشيبه مرحبا مع السلامه ياهلا بالغالي مرحبا يامرحبا تستاهل الترحيبه

	لا يا حمد لاتنتظر طلعت سهيل هذه القصيده موجهه للشاعر حمد السعيد بعد انتهاء برنامج شاعر المليون لا يا حمد لا تنتظر طلعـت سهيـل اترك كلام النـاس واسمـع كلامـي في وسط قلبي طعنتن هـدة الحيـل وانـا عزيـز ولا تـردى مقامـي مثلت داري بالشعـر خيـر تمثيـل وتكريمهم لي طردتي مـن دوامـي شاركت من ضمن الرجال المشاكيـل وفرضت قدام الشعـوب احترامـي لكن من يفرق لـك العـدل والميـل بالزاد لا تشره علـي يـا صيامـي من اول سنيني وانا احـط واشيـل واليوم مابـه مـن يشـد اهتمامـي ياذيب لـو جاوبتنـي تالـي الليـل العـذر مابلـل حلـوق الضوامـي الراس مايرجع عقب عزتـه ذيـل لو عزز التاريـخ بعـض الاسامـي يا شعر بعطيك الاصايل من الخيـل وابيك تلحق غايتـي مـع مرامـي بزيد كيـل السالفـه وادبـل الكيـل متوكـل بالله وبـكـرب حـزامـي من كيف شعري لو اهـز الفناجيـل حطيت لي بصمة شرف في بهامـي بعض الشعر يرعب هديره كما السيل لا من درج سيلـه يطـم لعدامـي وبعض الشعر نابع من الهم و الويل وبعض الشعر كنه مسلسل درامـي وانـا ليـا منـي بدعـت التماثيـل علقت في صدر المراجـل وسامـي اعيش في جيلي واسابق مية جيـل وارجع على ماضي جدودي واحامي انـا حفيـد الطيبيـن الحلاحـيـل هل السيوف اللي تقـص العظامـي واكبر كرامـه مكسبـي للرجاجيـل ومصافح محمـد شبيـه القطامـي لا يا حمد لا عاد تنشد عن سهيـل وارسل لراعين المواقـف سلامـي

	اسمك على كل بيت اسمك على كل بيت يمر لحنته حتى على بحر يالاحي وليحاني اقول بس انت والا اقول بس انته اللي مشى داخلي بعروق شرياني غيرك اليا صد او ماصد بلعنته الا انت والله يامسكي وريحاني عرفت بأن الغلا جبار وايقنته خصا ليا صار لك عندي غلا ثاني حتى اسمي يحلو لامنك تفطنته لاقلت ياشمري والا ياقحطاني هذي وهذي سوى دامك تمكنته لاقلتهن مانسيت افعول جداني لاجيت اوصفك حتى الوصف جننته ما اقول الا انت تآمرني وتنهاني يا انعم من الورد لامني تحظنته غلاك عندي غلا الدوحه لبن ثاني والا غلا الشخص لاواجه مزبنته يوم انهم مابغوه القاصي والداني يا اجمل من البيت لامني تهيجنته واطعم من الكيف لامن صرت وحداني وياثقل من السر لامني تأمنته واخف من كلمة احبك على الساني اقول بأن الغلا بالقلب دونته والا كذااحسن بقول ان انت ديواني لو قلت بس انت والا قلت بس انته انت الوحيد اللذي بعروق شرياني

	راعي اليتيمة خالد وضيدان كلن قال انا راعي اليتيمه مادرو بان اليتيمه قطعة مني وفيني بند من بند الحقوق يقول ذي سرقه عظيمه واللذي ماهو مصدق لاقرأ نصي يجيني هيه ياخالد وياضيدان يامال الغنيمه واحدن شعره سمعته واحدن شفته بعيني الفشق والفرد زاهب والخصم يلقى خصيمه عاصبن راسي وراسي شر لعيونك ضنيني يابعد من زاقت اعيونه على صورة حليمه ويابعد من شال في قلبه علي ولايبيني ياليتيمه من عرفتك ماعرفت الا الحشيمه ومن فقدتك يايتيمه مافقدت الا يميني لو بقول اني نسيتك اوووه ياكبر الظليمه لو اقول اني تسيتك كني انسى والديني ولو بقول البعد عادي بعتبر هذي جريمه شاعت بكل البقاع وبصمه العار بسنيني ياليتيمه مالقيت الطب لجروحن اليمه ماظلمتي غير نفسك قبل انك تظلميني ياليتيمه خافي الله صرت لجروحي وليمه خافي الله ياغلاي الله عليك اتسامحيني لو انا ماكنت مخطي والبلا بهل النميمه جبت لك ميه عذر يمكن تجين وتعذريني الله اكبر يا زماني كان لي قدرن وقيمه كان لي!واليوم هذا خافقك مايشتهيني كان لي!والعالم صرت انا موضه قديمه كانها فعلا كذا؟ ياخي تعالي جدديني والله اني مازرعت الا نواياي السليمه وماحصدت الا العذاب وفوق هذا تجرحيني ياليتيمه ياليتيمه ياليتيمه ياليتيمه ياليتيمه راح صوتي راح صوتي واسمعيني لو بقول اني نسيتك اووه ياكبر الجريمه بس لبيلي طلب لو مت بالله سامحيني

	قدرك بدينار.. صار الوطن غربة وصار السفر دار لوين مدري لاكن لاي ديره من عاش وقته ما يحسب للاشوار يضيع ما يعرف توالي مصيره للنفس حد ولو تعدته تنهار ما عاد تفرق بين خير (ن) وخيره بعض العرب في جوفها علوم واسرار والله هو اللي عالم (ن) بسريره كم واحد (ن) يشرب قراطيع الامرار ولكن صابه كبر حب الشعيره وكم واحد (ن) لو صابه ادنات ما صار خلا الصغيرة في عيونه كبيره اذا معك دينار قدرك بدينار مع احترامي للوجيه السفيره كب الدلال وصك بابك عن الجار وغير مسماتك وخل العشيره تلقى مع العالم معزه وتعبار الطيب تالي الوقت اصبح معيره ما عاد به بلوقت حشمه ومقدار لو انك انت شيخ فخذك واميره انت وشكيره لو تمرون خطار محد (ن) تحفابك تحفو شكيره هذيك مدخلها مع كبار زوار وانت تفتش بلشناط الاخيره المال يغسل من ملئ وجهه العار والفقر ذل أهل السيوف الشطيره يحقر اللي معلي ساسه غبار ويعز من شان النفوس الفقيره الفقر قصر من طويلين الاعمار والمال طول في العمار القصيره هذا الصحيح ولو تجيبون الاعذار عذر اسحاب القول عقب الكسيره الميت له دعوه وللكسر جبار والهرج ماسر الجروح الخطيره اللي مشى في عزة النفس ما بار واللي يذل النفس بايع ضميره قدامنا جنة وقدامنا نار واللي بغيناه الجنة وسفيره

قصائد الشاعر عبد الكريم الجباري , مكانها . هذه الصفحة سوف تكون ديوان تجمع جميع
قصائده هنا , دمت بخير

جزاك الف خير اخوي

يعطيك الف عافيه

[size=29]العفو كل الخير لك[/size]

مشكوووور جدا

وبالتوفيق انشاء الله

العفو وان شاء الله يوفقنا
في الدنيا والاخره



اخوك/$$الشامخ$$